Ծառայությունը քաղաքացիներին ապահովում է շարունակական խորհրդատվությամբ սոցիալական ապահովության ոլորտում, ներառյալ բաշխողական կենսաթոշակային համակարգի և կուտակային կենսաթոշակային բաղադրիչի շրջանակներում, իրենց իրավունքների և պարտականությունների վերաբերյալ, այդ թվում`

1) Սոցիալական ոլորտի վերաբերյալ քաղաքացիների հեռախոսազանգերի (բողոքների) գրանցման համակարգի շարունակական գործարկում, քաղաքացիների հեռախոսազանգերի (բողոքների) ընդունում և համապատասխան ընթացքի ապահովում՝ ըստ անհրաժեշտության ապահովելով հետադարձ կապ,

2) Հաճախ տրվող հարցերի շտեմարանի շարունակական թարմացում` ըստ թեժ գիծ ծառայության հարցադրումների, հաճախ տրվող հարցերի հիման վրա` համապատասխան իրազեկող նյութերի և հոդվածների տարածում ԶԼՄ-ների և տեղեկատվության տարածման էլեկտրոնային գործիքների միջոցներով:

3) 24/7 աշխատանքային ռեժիմի պահպանում` քաղաքացիների համար ստեղծելով հնարավորություն` իրենց հուզող հարցերը ներկայացնել նաև ոչ աշխատանքային ժամերին:

4) Ստացված հաղորդագրությունների վերծանում, մուտքագրում զանգերի գրանցման շտեմարան, հետադարձ կապի միջոցով քաղաքացիներին հուզող հարցերի վերաբերյալ պարզաբանումների տրամադրում:

5) Թեժ գծի անխափան աշխատանքի ապահովում` տեխնիկական և ծրագրային շարունակական բարելավումների և պրոֆիլակտիկ միջոցառումների ձեռնարկման միջոցով:

6) Զանգերի քանակի և հարցերի հիմնական ուղղությունների վերաբերյալ ամսական հաշվետվությունների գեներացում զանգերի գրանցման էլեկտրոնային համակարգից, տվյալների վերլուծություն և հարցերի խմբավորում:

7) Թեժ գծին ստացված բողոքների և դրանցից յուրաքանչյուրին տրված ընթացքի վերաբերյալ առանձին հաշվետվությունների կազմում` ըստ ԱՍՀՆ ենթակառուցվածքների` ՍԱՊԾ, ԲՍՓՀ, ՍԾՏԳ, ԶՊԳ:

8) Ամսական հաշվետվությունների ներկայացում Աշխատանքի և սոցիալական հարցերի նախարարին` ներառելով զանգերի քանակի և ուղղությունների մասին տեղեկությունները, ինչպես նաև առանձին` բողոքների և դրանցից յուրաքանչյուրին տրված ընթացքի մասին կազմվող էլեկտրոնային մատյանները: